Politique de confidentialité

سياسة الخصوصية (أمانك هو أولويتنا في WARDIERE)

فـ WARDIERE، الثقة ديالك هي كلشي عندنا. كنعرفو بلي المعلومات ديالك شخصية ومهمة، داكشي علاش بغينا نشرحو ليك بوضوح كيفاش كنحافظو عليها باش تسوق وأنت هاني ومرتاح.

1. أشنو هما المعلومات اللي كناخدو؟

ملي كتشري من عندنا أو كتواصل معانا، كناخدو غير المعلومات الضرورية باش نوصلو ليك الطلبية ديالك في أحسن الظروف:

الإسم والكنية ورقم الهاتف: باش نتصلو بك ونعرفو شكون غيستلم السلعة.
العنوان: باش "الليفرور" يوصل عندك حتى للدار بلا ما يتلف.
الإيميل (إلى كان): باش نصيفطو ليك تأكيد الطلب وأي جديد على "الصولد" ديالنا.

2. واش معلوماتك في أمان؟

كون هاني 100%!

المعلومات ديالك مك تتباعش ومك تتبادلش مع حتى شي جهة أخرى. كتبقى عندنا غير باش نخدموك نتا.
الموقع ديالنا محمي بتقنيات تشفير عالية، يعني حتى واحد ما يقدر يوصل للمعلومات ديالك.
حنا كنخدمو بمنصة Shopify العالمية، اللي معروفة بلي هي من أكثر المنصات أماناً في العالم.

3. الخلاص عند الاستلام (Paiement à la Livraison)

حنا عارفين بلي كاين اللي كيخاف من الأداء بالبطاقة البنكية، داكشي علاش فـ WARDIERE كنوفرو ليك خاصية "الخلاص حتى تشد سلعتك". يعني ما كاين لا سرقة لا والو؛ حتى توصلك السلعة ليديك وتفحصها، عاد خلص رزقنا.